Menu principale:
Libara, un'alipinta
bitta dai su entu
sinzad'in chelu
trattos gioiosas,
pitturas astradas
coloridas de milli fiores.
Tue ses cuss'alipinta
criadura chena tempus.
Lapparas lizeris,
seda pintirinada
dai lughe de istellas
in su mezus
de sa gioventura.
Sembianscias gentiles
imboligadas a ricciulos
de oro accumpanzana
sa cara tua 'e mazina.
Bola armoniosa,
dulche alipinta,
sighi cussu ballu
chen'edade e allegra,
cun sa grascia tua
sas puppias mias
luzzighes de lagrimas
e de amore.
