Menu principale:
Barabattula bianca chi no fali
da chiddi bandi undi t'ha postu Deu
solu tu poi cunsulà lu cori meu!
Palchì, un attimu solu, no' ti cali?
Canta tranchillitai e chi dulciura,
solu un suspiru d'ali mi darìa!
Una sisìa di entu bastaria
a alluntanà disisperu e tristura.
Fala, ti precu, si no v'ha impidimentu,
sponi d'jucà cu l'agnuli e li Santi
undi no v'ha mai bugghju né tulmentu.
Ma si dicrettu alcanu till'impedi
sigh'a bulà libbara e cuntenta
tantu…pa' cant'allnga sii, mamma ti idi!
