Associazione Culturale Amici di Monica - Sito dedicato a Monica Petitta

In l’occhj  li culori di la ita
e d’una troppu culta ciuintura
 colti insuliata e dugna dì fiurita
data contu cu amori e tanta cura.

Eu mi li figghjulaa middi olti
 la cuntintesa m’incindia lu cori
culori chi ghirraani la to solti
e di la ita aiani lu saori.

Candu ti ni sei andata, chidda mani
chissi culori  l’hai pultati infattu
n’hai fattu un mazzuleddu cu li mani
pinsendi-cussì beddi undi l’agattu!-

Abà unde’ noi è sempri arru pienu
la colti nostra ha paldutu li so’ fiori
lu cieli no ci pari più sirenu
pal noi la ita abà no ha più culori.

Ma undi sei tu è tuttu diffarenti
v’è luci dugna dì, da mani a sera
e li profumi  spalti da li enti
comu chi fussia sempri primmaera;

in chissu locu è celtu chi la ita
chi pal te aìa affrisciatu li balconi,
pa miraculu è torra rifiurita
e so ancora culori, canti e soni!!

Tempio 19 ottobre 2005

Elenco Poesie